Arsenal iracyafite amahirwe yo gutwara igikombe cya Shampiyona y u Bwngereza-Perezida Kagame
Mu mwaka w'imikino ushize, ikipe ya Arsenal ntiyagize amahirwe yo kugira igikombe itwara. N'ubwo yitwaye neza bwose Manchester City yayitsinze imikino ibiri bituma iyitwara igikombe. Perezida wa Repubulika y'u Rwanda akaba n'umukunzi wa Arsenal, arasanga gifite yo gutwara igikombe.
Bimenyimana J.
N'ubwo itashoboye gutsinda Manchester City mu mukino wo kwishyura wabereye ku kibuga cy'iyi kipe yambara ubururu bw'ijuru, wo kuwa 31 Werurwe 2024, Perezida Paul Kagame arasanga nta rirarenga.
Agirana ikiganiro n'itangazamakuru kuri uyu 01Mata 2024, Perezida Kagame ashima imyitwarire ya Arsenal.
Aragira ati " ndabona ko icyizere gihari, ariko ntawe ukwiye kwirara". Muri uyu mukino utari woroshye, Manchester City ntiyashoboye kubona ibitego, na Arsenal biba uko.
Kunganya ubusa ku busa, Perezida Kagame avuga ko iyo Arsenal itsinda Manchester City, byari gutuma icyizere gikomera.
Muri iki kiganiro yagiranye na Radio10 na Royal FM, Perezida Kagame yongera ho ati " iyo Arsenal itsinda umukino w'ejo, najyaga kugira icyizere gihamye ko bishoboka ko izatwara igikombe cya Shampiyona y'u Bwongereza".
Akomeza avuga ko icyizere kigihari ariko kitangana n'iyo iza gutsinda.
Perezida Kagame avuga ko Arsenal itakinnye nabi n'ubwo itashoboye gutsinda. Ibyo byahaye Liverpool kuba iri imbere irusha Arsenal amanota abiri.
Champions league naho hari amahirwe
Perezida wa Repubulika y'u Rwanda, arasanga Arsenal igifite amahirwe mu marushanwa irimo, n'ubwo Muri Champions league ho batamenya ibyaho, ariko naho amahirwe arahari.
Aragira at " bafite amahirwe. Urebye aho bageze, n'ukuntu bahageze n'uko bakina muri Shampiyona, amahirwe arahari".
Arsenal imaze igihe kitari gito ikorana n'ikigo cy'u Rwanda cy'iterambere muri gahunda ya Tembera u Rwanda, igamije guteza imbere ubukerarugendo. Izindi kipe zikorana n'u Rwanda muri iyi gahunda ni Paris Saint Germain yo mu bu Faransa na Bayern Munich yo mu Budage.