Nta rukingo rutangirwa kuva mo indi virusi
U Rwanda ruhanganye n'ibyirorezo bibiri muri iyi minsi, aribyo Ubushita bw'inkende (mpox), n'indwara y'umuriro mwinshi iterwa na Virusi ya Marburg. Kubera inkuru zari zatangiye gukwizwa hirya no hino ko ibi byorezo bituruka ku nkingo zahawe abantu, Minisitiri w'Ubuzima Dr. Sabin Nsanzimana, aremeza ko nta rukingo ruhabwa umuntu ngo ruzamuviremo indi virusi nyuma.J. Bimenyimana
Mu kiganiro dukesha Radio 1 Minisitiri w'Ubuzima yagiranye nayo kuwa 02 Ukwakira 2024, ikiganiro kibanze ku ngamba Minisiteri y'Ubuzima yafashe zo guhangana no guhashya ibyo byorezo, Dr. Nsanzimana avuga ko gusangira amakuru ari uburyo bwiza bwo gutsinda ibi byorezo.
Hari amakuru atandukanye yagendaga akwirakwizwa muri rubanda avuga ko indwara y'umuriro mwinshi iterwa na Virusi ya Marburg ituruka ku nkingo wagiye zihabwa abantu, Dr. Sabin Nsanzimana avuga ko icyo ari igihuha giteje ikibazo, kuko utanga amakuru nk'ayo aba afíte icyo ashaka gutambutsa.
Akomeza avuga ko abantu nk'abo bakwiye kurwanywa.
Virusi ya Marburg igaragaye mu Rwanda bwa mbere, irahangqyikishije cyane kuko ifite ubukana bwo guhitana uwo yafashe buri hagati ya 28-90%.
Minisitiri w'Ubuzima, avuga ko iyo uwagaragaje ibimenyetso akurikiranywe hakiri kare, umurimo ukagabanywa; amazi umubiri watakaje akayasunizwa; ibyago byo guhitanwa n'iyo ndwara biba biri hasi, mu gihe iyo itakurikiranywe wenda itamenyekanye bityo ntihatangwe ubuvuzi, ibyago bizamuka bikagera kuri 90%.
Abaganga bagira ibyago byinshi byo kwandura
Minisitiri w'Ubuzima akomeza avuga ko abaganga bagira ibyago byinshi byo kwandura indwara zitandukanye kubera imiterere y'akazi kabo.
Akomeza avuga ko hari amakuru
Ni virus ijya gusa cyane na Ebola, nk’uko ishami rya ONU rishinzwe ubuzima ku isi ribivuga.
Virus ya Marburg yatangiye kuboneka igihe abantu 31 bayanduriye nyuma y’icyumweru bagapfa mu biza byayo byakurikiranye mu 1967 muri:
- Marburg na Frankfurt, mu Budagi
- Belgrade muri Serbia
Iyi ndwara basanze yaraje iturutse mu nkende zinjijwe mu Budage zivuye muri Uganda.
Ariko kuva icyo gihe iyi virus yagiye ica no mu zindi nyamaswa.
Ahabonetse virus ya Marburg ikomeye:
2017 - Uganda: abantu batatu nibo bayanduye, bose barapfuye
2012 - Uganda: 15 barayanduye, bane barapfuye
2005 - Angola: 374 barayanduye, 329 barapfuye
1998-2000 - DR Congo: 154 baranduye, 128 barapfuye
1967 - Ubudage: 29 baranduye, barindwi barapfuye
Byavuye muri OMS/ WHO