Abakinnyi barenga 20 bamaze kwandura COVID19
Indwara ya Coronavirus ikomeje
kuyogoza isi. Ubusanzwe ibindi byorezo byagiraga abo byibasira, abandi ubuzima
bugakomeza, cyangwa se bikayogoza ibihugu bimwe, ibindi bigasigara. Imikino
nntiyakundaga kuvugwa mo ibyorezo, ariko ubu abakinnyi barenga 20 bo mu ikipe
zikomeye zo ku mugabane w'i Burayi bafite Coronavirus.
Isi yose
ihangayikishijwe n'icyorezo kiyibasiye cya Coronavirus. N'ubwo igihugu cy'ubu
Shinwa kivuga ko cyamaze kubona umuti wahashya iki cyorezo, Leta zunze ubumwe za Amerika
kikemeza ko n'urukingo rwaje, abandura bo bakomeje kugenda biyongera.
Kuri ubu
abakinnyi b'umupira w'amaguru cyangwa se abandi bafite aho bagiye bahuriye
nawo, bamaze gusuzumwa bagaragaza ko bafite iyo ndwara, ndetse hari n'uwo
yamaze guhitana.
Abakinnyi
bamaze kwandura Coronavirus, abenshi bakina muri Serie A (Shampiyona y'igihugu cy'u
Butaliyani), ikipe ya Sampdoria ni yo ifite umubare munini w'abakinnyi basumwe
Coronavirus bagaragaza ko bayifite,
Uwabimburiye abandi ni umukinnyi w'ikipe ya Chelsea Callum Hudson-Odoi, binavugwa ko amaze gukira.
Mu gihe andi mashyirahamwe y'umupira w'amaguru ku mugabane w'i Burayi yahagarikaga imikino itandukanye, cyangwa igakinwa nta bafana bari muri Sitade, FA (Ishyirahamwe ry'umupira w'amaguru mu Bwongereza) ntiryabikozwaga, kugeza igihe uyu musore ufite imyaka 20, ndetse n'umutoza wa Arsenal Mikel Arteta ufite imyaka 38, bagaragazaga ko bahuye na Coronavirus.
Ibyo
byatumye iri shyirahamwe rihagarika imikino yose ndetse bikanugwanugwa ko hari
igihe iyo mikino itasubukurwa.
Ibyo
birakurura impaka zitarabonerwa igisubizo cy'uko igikombe cyatangwa, kuko
n'ubwo Liverpool iri imbere y'izindi ikarusha iyikurikiye amanota 25,
haracyasigaye imikino 9, bigasobanura ko iyo kipe ya Sadio Manne, itaratwara
igikombe.
Umukinnyi
wakurikiye kugaragaza ko afite Coronavius ni myugariro wa Juventus yo mu Umujyi wa Turin mu
Butaliyani Daniele Rugani, ubu kandi iyo kipe imaze gutangaza ko undi mukinnyi wayo ukina hagati Blaise
Matuidi nawe yasumwe agasangwa ayifite.
German
Pizzella; Patrick Cutrone na Dusan Vlahovich bakinira Fiorentina ibarizwa mu
umujyi wa Flolence mu Butaliyani nabo bagaragaje ko bafite Coronavirus nyuma yo
gusuzumwa.
Omar Colley;
Manolo Gabbadini; Antonio La Gumina; Albin Ekdal; Morten Thorsby na Fabio
Depaoli; bose bakinira Sampdoria yo mu Umujyi wa Gene, barasuzumwe basangwa
bayifite
Igihugu cy'u Butaliyani cyibasiwe cyane na Coronavirus aho imaze guhitana kugeza ubu abantu bagera ku bihumbi bitatu
Tuvuye mu
Butaliyani twerekere mu Budage, mu ikipe ya Hannover 96, mu basumwe Jonnes Horn
na Timo Hubera basanzwe bayifite.
Suk Hyun Jun
akina mu ikipe ya Troyes mu gihugu cy'ubu Faransa, afite Coronavirus.
Ikipe ya Valence ifite abakinnyi batatu ari bo Ezequiel Garay;
Eliakim Mangala na Jose Luis Gaya bagaragawe ho Coronavirus, uretse abo bakinnyi, 35% by'abandi bantu bo mu buyozi bw'ikipe nabo barasumwe bagaragaza ko bayifite.
ikipe ya Deportivo Alavesnayo ifite abantu 15 banduye Coronavirus bari mo abakinnyi batatu bakina mu ikipe ibanza, nk'uko bigaragara mu itangazo ryashyizwe ahagaragara n'iyo kipe.
Uwahoze ari Perezida wa Real Madrid muri Espagne Lorenzo Sanz hagati ya 1995-2000, yashyizwe mu bitaro by'indembe nyuma yo gusumwa agasangwa afite Coronavirus.
Uyu mukambwe w'imyaka 76 y'amavuko, yashyizwe mu bitaro, kubera ikibazo yagize mu myanya y'ubuhumekero, amaze gusumwa agasanga afite Coronavirus.
Uretse za Shampiyona n'imikino y'ibikombe by'ibihugu mu bihugu bitandukanye, amarushanwa mpuzamahanga yari ateganyijwe hirya no hino ku isi, duhereye ku bikombe bikinirwa ku mugabane w'u Burayi nka UEFA Champions League na Europa League, yigijwe inyuma, bitewe na Coronavirus.
Igikombe cy'u Burayi cyagombaga gukinwa mu mwaka wa 2020 (Euro 2020) cyimuriwe muri 2021, naho CHAN (Igikombe cya Afurika cy'ibihugu gihuza abakinnyi bakina imbere mu bihugu byabo) nacyo cyamaze kwimurwa ku mataliki ataramenyekana
Umutoza w'abana mu ikipe y'abatarabigize umwuga ya Atletico Portafa Alta Francisco Garcia.
Uyu musore wari ugize imyaka 21 y'ubukuru yashize mo umwuka kuwa15 Werurwe 2020, aba uwa gatanu i Malaga uhitanwe na COVID19. bane ba mbere bari barengeje imyaka 70.