Ikipe y u Rwanda iracakirana na Maroc muri kimwe cya kane
Imikino y'igikombe cya Afurika mu
mikino y'intoki ya Volley Ball, ikomeje kubera muri Kigali Arena. Nyuma y'uko
ikipe y'igihugu cy'u Rwanda irangije ari iya mbere mu itsinda yari isangiye n'u
Burundi; Burukina Faso na Uganda, igiye gucakirana na Maroc
Ikipe y'igihugu
cy'u Rwanda ya Volley Ball, irangije imikino y'amatsinda itsinze imikino yose,
nyuma yo gutsinda u Burundi seti eshatu ku busa; irongera itsinda iya Burukina
Faso seti eshatu ku busa, inatsinda kandi ikipe y'igihugu ya Uganda seti eshatu
kuri ebyiri igomba kwisobanura na Maroc mu mikino ya kimwe ya kane.
Ikipe y'igihugu
ya Maroc nayo yatsinze imikino yayo yose, nayo izamuka ari iya mbere mu itsinda
yari isangiye n'amakipe y'ibigugu nka Misiri na Kenya.
Nyuma rero
y'imikino y'amatsinda, hagiye gukurikira ho imikino ya kimwe cya kane, aho ikipe
y'igihugu ya Cameroun igomba gucakirana na Nijeriya saa tanu; ikipe y'igihugu
cya Tuniziya igomba guhura n'ikipe y'igihugu cya Repubulika iharanira Demokarasi
ya Congo saa saba; ikipe y'igihugu cya Misiri irahura n'ikipe y'igihugu cya
Uganda saa cyenda, mu gihe ikipe y'igihugu cy'u Rwanda igomba guhugurana n'ikipe
y'igihugu cya Maroc saa kuminimwe.